FESTIVAL DE CURTAMETRAXES XUVENIL

O festival de Curtametraxes Vigounhaedez nace no contexto dun proxecto de participación xuvenil no que un grupo de mozos e mozas de entre 15 e 30 anos de Vigo vimos participando durante todo este ano. a idea do festival xorde para constuir un espazo de encontro no que xuntarnos xente moza que estamos empezando no audiovisual para coñecernos, ensinar o que estamos facendo, aprender uns de outros e sobre todo pasalo ben facendo algo que nos gusta... cine. Trátase da primeira edición, e queremos que serva como punto de arranque de novos proxectos e propostas.

A participación nas diferentes ofertas está aberta a tódolos interesados/as, atendendo as limitacións de aforo de cada actividade. Infórmate do proxecto e participa.

Actividades e programa

Entre as actividaes do festival diferenciamos:

Obradoiros: espazos para aprender e compartir relacionados con temas concretos do audiovisual.
Proxeccións: en diferentes lugares da cidade terás oportunidade de visionar tódolos curtametraxes presentados a concurso.
Galas: serán no Cine Salesianos. Teremos unha o venres 25 na que se presentarán os traballos feitos no obradoiro de Vigounhaedez e outra o sábado 26 na que se proxectarán os traballos finalistas do concurso e se entragarán os premios.
Concerto Vigounhaedez: o sabado a partires das 22:00 no Cine Salesinaos a cargo de Panta Rei e Os Vacalouras. Entrada Gratuita.

Aquí podes descargarte o programa completo.

Os organizadores

Vigo1:10 está organizado pola Concellería de Xuventude do Concello de Vigo e a Asociación Xuvenil Abertal. O proxecto nace en Abertal promovido por un colectivo de mozos/as de entre 15 e 18 anos a raíz da realización de dúas curtametraxes.

Grazas a

Este proxecto é posible grazas a colaboración de moitas persoas, dende os participantes dos obradoiros, a comisión organizadora, os membros do xurado, os que asesoraron durante o proceso... pero en especial queremos destacar a colaboración do CINE SALESIANOS, sen o cal non sería posible este festival.